हेलिकप्टर दुर्घटना अमेरिकामा दुई जनाको मृत्यु
नेपाल प्रेस
२०८० भदौ १२ गते ८:१०
फ्लोरिडा । अमेरिकी राज्य फ्लोरिडामा एक हवाई दुर्घटना हुँदा दुई जनाको मृत्यु भएको छ ।
सोमबार उडेको एक मेडिकल उद्धार हेलिकप्टरमा आगो लागे पछि फोर्ट लाउडरडेल नजिकैको अपार्टमेन्ट कम्प्लेक्समा दुर्घटनाग्रस्त भएको थियो ।
दुर्घटनामा हेलिकप्टरमा सवार प्यारामेडिक क्याप्टेनसहित दुई जनाको मृत्यु भएको छ । विमानमा सवार अन्य दुई जना र अपार्टमेन्ट कम्प्लेक्समा रहेका अन्य दुई जना घाइते भएका छन् ।
हेलिकप्टर भुईँमा खस्दा ब्रोवार्ड काउन्टी फायर रेस्क्यु क्याप्टेन टेरिसन ज्याक्सन (४९) र एक महिलाको मृत्यु भएको अधिकारीहरूले बताएका छन्।
सोमबार बिहान करिब ८ः४५ बजे पोम्पानो बिच एयरपार्कबाट उडेको हेलिकप्टर कम्प्लेक्सको छानामा ठोक्किएको उनले बताए । घाइते चारै जनालाई अस्पतालमा भर्ना गरिएको छ ।
नेपाल प्रेस
प्रकाशित: २०८० भदौ १२ गते ८:१०
प्रतिक्रिया
सम्बन्धित खवर
