एमाले अध्यक्ष ओली विराटनगर हुँदै सर्रे अम्बासतर्फ, अन्य नेतालाई बुद्ध एयरले अर्को जहाजमा पठायो

काठमाडौं । नेकपा एमालेका शीर्ष नेताहरू चढेको जहाज जनकपुर अवतरण गर्न नसकी काठमाडौं फर्किएपछि अर्को जहाजमा पठाउन लागिएको छ ।

तर अध्यक्ष केपी शर्मा ओली र उपाध्यक्ष सुरेन्द्र पाण्डेसहितका नेताहरू चढेको जहाज भने विराटनगरमा अवतरण भएको कार्यालय सचिव भीष्म अधिकारीले जानकारी दिएका छन् ।

ओलीसहितका नेताहरू विराटनगरबाट केन्द्रीय सचिवालयको बैठक हुने सिरहाको सर्रे अम्बासतर्फ लागिसकेको अधिकारीले बताए ।

एमालेका वरिष्ठ उपाध्यक्ष ईश्वर पोखरेल, उपाध्यक्ष विष्णु पौडेल, सुवास नेम्वाङलगायत चढेको जहाज प्राविधिक कारण जनकपुर अवतरण गर्न नसकी काठमाडौं फर्काइएको थियो । बुद्ध एयरले अर्को जहाजमा नेताहरूलाई पठाइएको जनाएको छ ।