प्रदेश अध्यक्षमा उम्मेदवार बन्ने एमाले केन्द्रीय सदस्यको पद स्वतः रिक्त हुने
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/08/cpn-uml-emale-768x467-1.jpg)
काठमाडौं । नेकपा एमालेको आसन्न प्रदेश अधिवेशनहरूमा अध्यक्ष वा अन्य पदाधिकारीमा उम्मेदवार बन्ने केन्द्रीय सदस्यको पद तत्कालै रिक्त हुने भएको छ ।
प्रदेश अध्यक्ष पोलिटब्युरो सदस्य सरह हुनेपछि एमालेका भूगोल केन्द्रित केन्द्रीय सदस्यहरूको रुचि प्रदेश कमिटी अध्यक्षमा देखिएको छ । तर केन्द्रीय सदस्यहरू प्रदेशको नेतृत्वमा आएकोमा गैर केन्द्रीय सदस्य नेताहरू पनि असन्तुष्ट छन् ।
पार्टी केन्द्रीय कार्यालयले केन्द्रीय सदस्यहरू प्रदेशको महाधिवेशन प्रतिनिधि बन्दैमा पद नजाने गरी बाधा अड्चन फुकाइदिएको छ । यसअघि प्रदेश महाधिवेशन प्रतिनिधि बन्नासाथ केन्द्रीय सदस्य पद जाने कि नजाने भन्ने अन्योल थियो ।
एमाले केन्द्रीय संगठन विभाग सदस्य आनन्द पोखरेलले प्रदेश महाधिवेशन प्रतिनिधि बन्न केन्द्रीय सदस्यहरूलाई बाधा नरहेको बताए । उनले प्रदेशको नेतृत्वमा प्रत्याशी बन्न निर्वाचन वा मनोनयनबाट प्रतिनिधि भने बन्नुपर्ने बताए ।
पोखरेलले भने– निर्वाचन वा मनोनयनबाट प्रतिनिधि बन्नुपर्छ । प्रतिनिधि बन्दैमा केन्द्रीय सदस्य पद केही हुन्न । तर प्रदेश अध्यक्षको वा अन्य उम्मेदवारी दिएपछि भने सम्बन्धित व्यक्तिको केन्द्रीय सदस्य पद रिक्त हुन जान्छ ।
केन्द्रीय सदस्य रिक्त हुने भएपछि हाइककमाण्डको ग्रीन सिग्नलबिना जोखिम मोलेर प्रदेश अध्यक्षमा उम्मेदवार बन्ने सम्भावना कम हुने नेताहरूको अनुमान छ ।