नेपाल खराब स्थितिमा, ८२ रनमा ५ विकेट
नेपाल प्रेस
२०८० भदौ १३ गते २१:१३
काठमाडौं । एसिया कपअन्तर्गत पाकिस्तानविरुद्ध ३४३ रनको लक्ष्य पछ्याएको नेपालले पाँचौं विकेट गुमाएको छ ।
नेपालले १७.२ ओभरमा ५ विकेट गुमाएर ८२ रन जोडेको छ । नेपालका सोमपाल कामीले २८ र आरिफ शेखले २७ रन जोडे । यी दुईले चौथो विकेटका लागि ५९ रनको साझेदारी गरेका थिए ।
नेपालले ७२ रन जोड्दा ह्यारिस रौफले आरिफलाई आउट गर्दै उक्त साझेदारी तोडे । त्यसपछि रौफको बलमा सोमपाल आउट भएका हुन् ।
नेपालले १४ रनमै ३ विकेट गुमाएको थियो । कुशल भुर्तेल ८ र आसिफ शेख ५ रनमा आउट भए भने कप्तान रोहित पौडेलले खाता खोल्न सकेनन् । पाकिस्तानका रौफ र साहिन शाह अफ्रिदीले २/२ र नसिम शाहले एक विकेट लिएका छन् ।
नेपाल प्रेस
प्रकाशित: २०८० भदौ १३ गते २१:१३
प्रतिक्रिया
सम्बन्धित खवर
