भारतविरुद्ध उत्कृष्ट प्रदर्शन गर्ने नेपाली खेलाडीलाई शुक्लाफाँटाले गर्यो पुरस्कार घोषणा
नेपाल प्रेस
२०८० भदौ १८ गते १३:४६
कैलाली । भारतविरुद्ध उत्कृष्ट खेल प्रदर्शन गर्ने नेपाली क्रिकेट खेलाडीलाई कञ्चनपुरको शुक्लाफाँटा नगरपालिकाले पुरस्कृत गर्ने भएको छ ।
भारतविरुद्ध शतक प्रहार गर्ने र ४ विकेट लिने खेलाडीलाई जनही एक-एक लाखसहित सम्मान गर्ने शुक्लाफाँटा नगरपालिकाले निर्णय गरेको हो ।
सोमबार शुक्लाफाँटा नगरपालिकाले नगर प्रमुख स्तरीय निर्णय गरेर भारतविरुद्ध शतक र ४ विकेट लिने खेलाडीलाई सम्मान गर्ने घोषणा गरेको हो ।
पहिलो पटक एसिया कप क्रिकेटमा पुगेको नेपाली टोलीले समूह चरणको दोस्रो खेल अन्तर्गत सोमबार दिउँसो पौने ३ बजे भारतको सामना गर्दैछ ।
क्रिकेटको महारथी भारतसँग श्रीलंकाको पल्लाकेली रंगशाला अन्तर्राष्ट्रिय क्रिकेट मैदानमा नेपालले ऐतिहासिक क्रिकेट खेल्दैछ ।
नेपाल प्रेस
प्रकाशित: २०८० भदौ १८ गते १३:४६
प्रतिक्रिया
सम्बन्धित खवर
