‘नाङ्गो गाउँ’को ‘सुन सुन सुन्दरी’ गीत चर्चामा

काठमाडौं । भदौको २९ गतेबाट रिलिज हुन लागेको फिल्म ‘नाङ्गो गाउँ’ मा समावेश ‘सुन सुन सुन्दरी’ बोलको गीतले युट्युबमा राम्राे भ्यूज बटुलिरहेकाे छ । अन्जु पन्त र एसडी योगीको स्वरमा समावेश यो गीतले ५ दिनमा साढे ६ लाख भ्यूज पाएकाे हाे ।

गीत हिट भएर यसको प्रभाव फिल्मको बक्स अफिसमा पनि पर्ने निर्माण पक्षकाे आशा छ।

दीपेन्द्र लामाको लेखन तथा निर्देशनमा तयार भएको फिल्ममा हिमाल शर्माको प्रस्तुति छ । फिल्मको यो गीतमा नायक दयाहाङ राई र नायिका मिरुना मगर फिचरिङ छन् ।

सुष्मा सिग्देलले लेखेको गीतमा सुशान्त गौतमको संगीत छ । जय श्रेष्ठको लगानीमा बनेको फिल्मका कार्यकारी निर्माता रामहरि श्रेष्ठ हुन् । फिल्मले राजनीतिक कथावस्तुलाई प्रस्तुत गरेको छ । रामजी लामिछानेको कोरियोग्राफी रहेको गीतको भिडियोलाई आलोक शुक्लाले खिचेका हुन् ।

यसैबिच, फिल्मको प्रदर्शनको दिन नजिकिदै जादा यसको निर्माणपक्षले देशभर प्रचारलाई पनि तिव्रता दिइरहेको छ ।