दार्चुलामा ९ किलो चरेससहित दुईजना पक्राउ

कैलाली । दार्चुलामा ९ किलो चरेससहित प्रहरीले दुई जनालाई पक्राउ परेको छ । दार्चुलाको शैल्यशिखर नगरपालिकाको नायलबाट मंगलबार एक महिला र एक पुरुषलाई प्रहरीले पक्राउ गरेको हो ।

शैल्यशिखर नगरपालिका–९ नायलबाट ८ किलो ८५० ग्राम चरेससहित बैतडीको पुर्चौडी नगरपालिका–४ भटनाका ३५ वर्षीया भावना धामी र सोही ठाउँका ४४ वर्षीय जयबहादुर धानुकलाई पक्राउ गरिएको जिल्ला प्रहरी कार्यालय दार्चुलाका सूचना अधिकारी ज्ञानेन्द्रबहादुर सिंहले जानकारी दिए ।

विशेष सूचनाको आधारमा इलाका प्रहरी कार्यालय गोकुलेश्वर र जिल्ला प्रहरी कार्यालय दार्चुलाबाट खटिएको प्रहरी टोलीले चरेस बरामद गरेको हो ।

धामीको साथबाट ६ किलो र धानुकको साथबाट २ किलो ८५० ग्राम चरेस बरामद गरिएको हो। दुवै जनालाई नियन्त्रणमा लिएर थप अनुसन्धान भइरहेको प्रहरीले जनाएको छ ।