साफ यू-१९ च्याम्पियनसिपः नेपाल र पाकिस्तानबीचको पहिलो हाफ बराबरीमा (तस्विरहरु)

काठमाडौं। साफ यू-१९ च्याम्पियनसिपअन्तर्गत समूहगत चरणको नेपाल र पाकिस्तानबीच खेलको पहिलो हाफ गाेलरहित बराबरीमा सकिएको छ ।

दशरथ रंगशालामा जारी खेलको पहिलो हाफमा नेपालका कप्तान गोलकिपर जियारथ शेखले पाकिस्तानका ६ वटा प्रहारको उत्कृष्ट बचाउ गरेका छन् ।

पहिलो हाफमा पाकिस्तानले नेपालमाथि दबाब बढाएको छ । उसले दुइटा वान भर्सेस वान अवसरसमेत गुमाएको छ । नेपालले भने पाकिस्तानको गोल पोस्टमा उत्कृष्ट प्रहार गर्न सकेको छैन ।

नेपालले समूहको दोस्रो तथा अन्तिम खेलमा सोमबार मालदिभ्ससँग खेल्नेछ । ६ टोली सहभागी प्रतियोगितामा समूहका शीर्ष दुई टोली सेमिफाइनल पुग्नेछन् ।

नेपालले यो प्रतियोगिता सन् २०१५ मा जितेको थियो । यसबीचमा यू-१९ स्तरीय साफ च्याम्पियनसिप आयोजना भएको थिएन ।

सन् २०१७ र २०१९ मा साफ यू-१८ च्याम्पियनसिप भएको थियो भने सन् २०२२ मा साफ यू-२० च्याम्पियनसिप आयोजना भएको थियो । नेपालले सन् २०१७ मा आयोजना भएको साफ यू-१८ च्याम्पियनसिप पनि जितेको थियो ।

तस्विरहरु : उमेश कार्की