सहायक रथीको विशेष पदमा अधिकारीको पदावधि तीन वर्ष थपियो

काठमाडौं । सरकारले नेपाली सेनाको सहायक रथीको विशेष पदमा यमबहादुर अधिकारीको दोस्रो पटक पदावधि तीन वर्ष थपिएको छ ।

मन्त्रिपरिषद्को गत साता बसेको बैठकले सहायक रथीको विशेष पदमा अधिकारीको दोस्रो पटक पदावधि तीन वर्षको लागि थप गर्ने निर्णय गरेको नेपाली सेनाको जनसम्पर्क तथा सूचना निर्देशनालयले जनाएको हो ।

नेपाली सेनामा सहायक रथीको विशेष पदमा कार्यरत अधिकारीको पहिलो चार वर्षे पदावधि भदौ ३१ गतेबाटै लागु हुने र सहायक रथी दर्जाको विशेष पदलाई निरन्तरता दिने गरि दोस्रोपटक तीन वर्षको पदावधि थप भएको छ । पदावधि थप सम्बन्धी नियमित प्रक्रिया अनुरुप नै सैनिक ऐन तथा नियमावलीको आधारमा यो निर्णय भएको सेनाले जनाएको हो ।