भक्तपुर पुगेका पूर्वराजालाई स्थानीय जनताको न्यानो स्वागत (तस्बिरहरू/भिडिओ)

भक्तपुर । पूर्वराजा ज्ञानेन्द्र शाह आफ्नो सांस्कृतिक भ्रमणका सिलसिलामा आज भक्तपुर पुगेका छन् । उनको स्वागतमा स्थानीय जनताको ठूलै भिड जम्मा भएको छ ।

भक्तपुर दरबार स्क्वायरमा पूर्वराजाको प्रतीक्षामा घन्टौं अगाडिदेखि स्थानीयवासी भेला भएका थिए । उनीहरूमध्ये धेरैले हातमा नेपालको झण्डा बोकेका छन् । धेरैले जातीय पहिरन लगाएका छन् । स्थानीयको भिडमा महिला र वृद्धवृद्धाको संख्या ठूलो छ । भिड छिचोल्न सुरक्षाकर्मी र स्वयम्सेवकलाई सकस परेको थियो ।

स्थानीय जनताले राजसंस्थाको पक्षमा नाराबाजी गरिरहेका छन् । ‘हाम्रो राजा हाम्रो देश प्राणभन्दा प्यारो छ’ ‘राजसंस्था जिन्दावाद’, ‘राजा आऊ देश बचाऊ’ ‘जनता आऊ राजा ल्याऊ’ जस्ता नारा जनताले लगाउँदा पूर्वराजाको अनुहारमा मुस्कान देखिन्थ्यो ।

पूर्वराजाले दरबार स्क्वायर अवलोकन र तलेजु भवानी मन्दिरको दर्शन गर्नेछन् ।