ब्याडमिन्टनमा नेपालको पुरुष टीम एसियाडको क्वाटरफाइनलमा

काठमाडौं । १९औं एसियाली खेलकुदअन्तर्गत ब्याडमिन्टनमा नेपालको पुरुष टीम क्वाटरफाइनल पुगेका छन् । टीम इभेन्ट्सअन्तर्गत पुरुषमा नेपालले मंगोलियालाई ३0१ ले हरायो ।

मंगोलियाविरुद्ध नेपालका प्रिन्स दाहाल र सुनिल जोशीले जीत हात पारे भने विष्णु कटुवाल पराजित भए । यस्तै डबल्समा नेपालका प्रिन्स दाहाल र विष्णु कटुवालको जोडीले जीत हात पारेको हो ।

महिलातर्फ भने नेपाली टोली माल्दिभ्ससँग ३-१ ले पराजित भयो । नेपालका रसिला महर्जन र नंशल तामाङले हार व्यहोरे भने अनुमाया राईले जीत हात पारिन् । रसिला र अनुको जोडी युगलमा पराजित भयो ।