यस्तो छ एमाले कर्णाली अधिवेशनको निर्वाचन क्लष्टर

सुर्खेत । नेकपा (एमाले) कर्णालीको प्रदेश अधिवेशनले निर्वाचित गर्ने पदाधिकारी र सदस्यहरुको निर्वाचन क्लष्टर सार्वजनिक गरेको छ ।

शुक्रबार २४ प्रदेश निर्वाचन क्लष्टरमा अध्यक्ष १, उपाध्यक्ष १, सचिव १, उपसचिव २ जना गरेर ५ पदाधिकारी र १२५ सदस्यको क्लष्टर तय गरेको हो । १३५ सदस्यीय प्रदेश कमिटिमा ५ सदस्यको सीट जगेडा राखिएको छ ।

निर्वाचन कमिटीले सार्वजनिक गरेको क्लष्टरमा २ पुरुष १ महिला गरेर ७२, दलित ९ पुरुष ६ महिला गरेर १५ जना तोकिएको छ । १५ दलितमा ४० वर्षमुनिका ३ पुरुष १ महिला तोकिएको छ ।

यस्तै, जनजातितर्फ ५ पुरुष ३ महिला गरेर ८ जना जसमा ४० वर्षमुनिका १ पुरुष १ महिला तोकिएको छ । खुल्लामा १९ पुरुष १० महिला गरी २९ जनामा ४० वर्ष मुनिका ४ पुरुष २ महिला ताकिएको छ । एमाले कर्णालीले अल्पसंख्यक तर्फ १ जना सदस्य गरेर १३० जनाको निर्वाचन क्लष्टर सार्वजनिक गरेको छ ।