मेलिना राई र दिनेश लामाफोरको ‘बातै पक्का भो’ सार्वजनिक (भिडियो)

काठमाडौं । गायिका मेलिना राई र गायक दिनेश लामाफोरको स्वरमा रहेको नयाँ गीत ‘बातै पक्का भो’ सार्वजनिक भएको छ । बिहीबार राजधानीमा एक कार्यक्रमका बीच गीतको भिडियो सार्वजनिक गरिएको हो ।

भिडियो सार्वजनिक कार्यक्रममा सांसद हरी उप्रेती प्रमुख अतिथिका रुपमा उपस्थित थिए । कार्यक्रममा विभिन्न संघ संस्थाका अध्यक्ष तथा प्रतिनिधिहरुको पनि उपस्थिति रहेको थियो ।

गीतमा कमल थिङ तामाङको शब्द,संगीत र निर्माण रहेको छ । दिनेश पाख्रिनको निर्देशनमा बनेको भिडियोमा कृष गुरुङ र स्मारिका ढकाल फिचर्ड छन् । भिडियोमा प्रेम लामाले छायाँकन र टेकेन्द्र शाहको सम्पादन छ । भिडियो जेफोरके म्युजिक इन्टरटेन्टमेन्टको अफिसियल च्यानल मार्फत सार्वजनिक गरिएको छ ।

कार्यक्रममा भिडियो सार्वजनिक कार्यक्रमसंगै केही व्यक्तिहरुलाई सांस्कृतिक रत्न सम्मानसमेत प्रदान गरिएको थियो । कार्यक्रममा कलाकार रवीन्द्र खड्का, गीतकार कृष्णहरी बराल, निर्देशक राजु शाह लगायतलाई सांस्कृतिक रत्न सम्मान प्रदान गरिएको हो ।