संखुवासभा र झापामा गल्फ लुब्रिकेन्टका शोरुम

काठमाडौं । नेपाल ल्युब आयल लिमिटेडले संखुवासभाको चैनपुर र झापाको बिर्तामोडमा गल्फ लुब्रिकेन्टको नयाँ शोरुम उद्घाटन गरेको छ ।

नेपालको लागि गल्फ लुब्रिकेन्टको उत्पादक एवं वितरक कम्पनीले उच्च पूवी पहाडी भेग संखुवासभाको चैनपुर र पूवी तराई भेगको झापास्थित बिर्तामोडमा गल्फ लुब्रिकेन्टको शोरुम उद्घाटन गरेको हो ।

कम्पनीले चैनपुरमा लक्की सप्लायर्स र झापामा सहारा कृषि अनुसन्धान तथा विकास कम्पनी प्रालिलाई आफ्नो आधिकारक बिक्रेताको रुपमा नयाँ शोरुम उद्घाटन गरेको हो ।

ग्राहकलाई उच्च सेवा प्रदान गर्न र गल्फ लुब्रिकेन्ट सजिलै उपलब्ध गराउने आफ्नो लक्ष्यको अनुरुप नयाँ शोरुमहरु सञ्चालनमा आएको कम्पनीले जनाएको छ । कम्पनीले हिमाल, पहाड, तराई र मधेसका सबै बिकट र निकट स्थानहरुमा गल्फ लुब्रिकेन्टका सेल्स आउटलेट सञ्चालनमा ल्याउने लक्ष्य राखेको जनाएको छ ।