थ्री नेसन्स कप फाइनल: बंगलादेशविरुद्ध नेपाली टोलीमा दुई परिवर्तन

काठमाडौं । थ्री नेसन्स कपको फाइनलमा नेपाली राष्ट्रिय टोलीका मुख्य प्रशिक्षक बाल गोपाल महर्जनले सुरुआती-११ मा दुई परिवर्तन गरेका छन् । दशरथ रंगशालामा ५: ३० बजे बंगलादेशविरुद्ध हुने खेलका लागि प्रशिक्षक महर्जनले अभिषेक रिजाल र रविशंकर पासवानको स्थानमा सुनिल बल र विशाल राईलाई मौका दिएका छन् ।

राउन्ड रोबिन पद्धतिमा जारी प्रतियोगिताका नेपाल , बंगलादेश र किर्गिस्तान यु २३ गरी तीन टोली सहभागी छन् । एक जित र एक बराबरीसहित चार अंक जोडेको बंगलादेश शीर्ष स्थान तथा दुई बराबरीबाट २ अंक जोडेको नेपाल दोस्रो स्थानमा रहँदै फाइनलमा पुगेका हुन् ।

नेपाली टोली

गोलकिपर: किरण चेम्जोङ

डिफेन्डर: रन्जित धिमाल, अनन्त तामाङ, दिनेश राजवंशी, रोहित चन्द

मिडफिल्डर: त्रिदेव गुरुङ, तेज तामाङ, संजोग राई, विशाल राई, सुनिल बल

फरवार्ड: अञ्जन विष्ट