जसपा सम्बद्ध किसान महासंघ संगठन विस्तार गर्दै

काठमाडौं । जनता समाजवादी पार्टी, (जसपा) नेपाल सम्बद्ध समाजवादी किसान महासंघ बागमती प्रदेश समितिले संगठन विस्तार अभियानलाई तीव्रता दिएको छ । पार्टीले ३ महिने संगठन विस्तार तथा सुदृढीकरण अभियान सञ्चालन गरेसँगै महासंघ संगठन विस्तारमा जुटेको हो ।

महासंघले काठमाण्डौ जिल्ला समिति मनोज डंगोलको अध्यक्षतामा २३ सदस्यीय समिति गठन गरेको छ । महासंघको ललितपुर जिल्ला समिति मानबहादुर नेगीको अध्यक्षतामा १३ सदस्यीय समिति गठन भएको छ । त्यसैगरी बुद्धकुमार चौधरीको अध्यक्षतामा ११ सदस्यीय चितवन जिल्ला समिति गठन गरिएको छ ।

महासंघले बागमती प्रदेश अन्तर्गतका सबै जिल्ला समिति गठन गर्ने गरी कार्यलाई अगाडि बढाइरहेको महासंघका बागमती प्रदेश अध्यक्ष विक्रम पौडेलले जानकारी दिए ।