जनकपुर बिग मार्टमा भीषण आगलागी, करोडौंको क्षति
नेपाल प्रेस
२०८० असोज २१ गते ७:४१
जनकपुरधाम । जनकपुरधामको रामानन्द चोकमा रहेको जनकपुर बिग मार्टमा भीषण आगलागी भएको छ । राति करिब १२ बजेबाट सुरु भएको आगलागी अझै नियन्त्रणमा आइसकेको छैन ।
आगो निभाउन ५ वटा बारुण यन्त्र, प्रहरी र स्थानीय खटेको धनुषाका प्रहरी प्रवक्ता डिएसपी रञ्जन अवाले जानकारी दिए । उनका अनुसार ९५ प्रतिशत नियन्त्रणमा आइसकेको छ । तर पूर्णरुपमा नियन्त्रणमा लिने प्रयास जारी छ ।
आगलागीबाट करोडौंको क्षति भएको छ । अहिले क्षतिको विवरण आउन नसकेको डिएसपी अवाले बताए । उनले भने,‘क्षति धेरै भएको छ । सामान सबै जलेको छ । घरमा पनि क्षति पुगेको छ ।
आगलगी कसरी भएको कुरा खुल्न सकेको छैन् । विद्युत सर्ट भएर आगलगी भएको हुनसक्ने अनुमान छ ।
नेपाल प्रेस
प्रकाशित: २०८० असोज २१ गते ७:४१
प्रतिक्रिया
सम्बन्धित खवर
