‘प्रसाद-२’ विवादमा पक्राउ परेका ओम अग्रवाल हाजिरी जमानीमा रिहा

काठमाडौं । ‘प्रसाद-२’ चलचित्रको विवादमा पक्राउ परेका ओएसआर डिजिटलका सञ्चालक ओम अग्रवाल रिहा भएका छन् । उनलाई हाजिरी जमानीमा रिहा गरिएको काठमाडौं प्रहरी परिसरका एसपी कुमुध ढुंगेलले जानकारी दिए ।

फिल्मका निर्माता सुदर्शन बस्नेतको उजुरीपछि अग्रवाल पक्राउ परेका थिए । आपराधिक विश्वास घात गरेको आरोप उनीमाथि लागेको थियो ।