पूजा र रेहानले हात पारे ‘एस अफ मोडल्स २०२३’ को उपाधि

काठमाडौं । ‘एस अफ मोडल्स २०२३‘ को उपाधि झापाकी २१ वर्षीया पूजा सिंह राजपुत र काठमाडौँ, बुढानीलकण्ठका १८ वर्षीय रेहान गदालले हात पारेका छन् । काठमाडौँस्थित राष्ट्रिय नाचघर, जमलमा सम्पन्न प्रतियोगितामा महिलातर्फ १६ र पुरुषतर्फ ७ गरी जम्मा २३ प्रतियोगी रहेका थिए।

२१ प्रतियोगीलाई उछिन्दै पूजा र रेहानले उपाधि जितेका हुन् । ‘इभेन्ट तथा फोटोग्राफी कम्पनी क्याप्चर’ले आयोजना गरेको प्रतियोगितामा फस्ट रनर अपको उपाधि शिला नेपाली र भावेश खड्काले जितेका छन भने सेकेन्ड रनर अपको उपाधि हेभन उपाध्याय र रोनि आले मगरले हात पारेका छन् ।

प्रतियोगिताबाट मस्ट फोटोजेनिकको टाइटल शिला नेपाली र भावेस खड्का, बेष्ट पर्सनालिटिको टाइटल रेहान गदाल र शिला नेपाली, बेस्ट वाकको टाइटल रुजल स्थापित र सिम्रिका खत्री, बेस्ट स्किनको टाइटल शिला नेपाली, बेस्ट फिजिकको टाइटल भावेष खड्का र बेस्ट फिगरको टाइटल पुजा सिंह राजपुतले पाएका छन।

त्यस्तै मस्ट ट्यालेन्टेडमा रेहान गदाल र स्तुति क्षेत्री, मस्ट एक्टिभमा सुवास्ना रेग्मी, मस्ट पङ्चुअलमा डार्विन देवकोटा र श्रिसा श्रेष्ठ, मस्ट पपुलरमा शिला नेपाली र डार्विन देवकोटा, पब्लिक च्वाइस अवार्डमा सुवास्ना रेग्मी, मस्ट डिसिप्लेनमा सम्यम श्रेष्ठ र निलम बम ठकुरी, मस्ट करेजियसमा हेभन उपाध्याय, मस्ट स्टाइलिस्टमा रोनि आले मगर र सिफाली महर्जन र मस्ट फ्रेन्डलीमा सुरज चौधरी र प्रिज्मा भुजुले सह–उपाधिका अवार्ड प्राप्त गरेका छन् ।

फोटोग्राफर पबिन्द्र श्रेष्ठले निर्देशन गरेको प्रतियोगिताको निर्णायक मण्डलमा मिस्टर नेपाल २०२२ नुतन श्रेष्ठ, मिस नेपाल अर्थ २०२२ सरिशा श्रेष्ठ, फेसन डिजाइनर सोनम सुब्बा लिम्बु, सिनियर ब्यूटिसियन रुक्सा श्रेष्ठ र रोडिज सिजन–२ बिजेता आयुष श्रेष्ठ रहेका थिए ।