अफगानिस्तानमाथि भारतको सहज जित, रोहितको शतक

काठमाडौं । घरेलु टोली भारतले जारी एकदिवसीय विश्वकप क्रिकेटमा लगातार दोस्रो जित हात पारेको छ । बुधबार अफगानिस्तानविरुद्ध भिडेको भारत ८ विकेटले विजयी भयो । अफगानिस्तानले दिएको २ सय ७३ रनको लक्ष्य, भारतले ३५ ओभरमा २ विकेट गुमाएर पूरा गर्यो ।

भारतका रोहित शर्माले १३१ र इसन किसनले ४७ रन बनाए । विराट कोहलीले पनि अविजित ५५ रन जोडे । रोहितले पहिलो विकेटका लागि किसनसँग १५६ र दोस्रो विकेटका लागि विराट कोहलीसँग ४९ रनको साझेदारी गरेका थिए ।

रोहितले ६३ बलमा सतक पुरा गरे। उनले एकदिवशीय अन्तर्राष्ट्रिय क्रिकेटमा ३१ औँ सतक बनाएका हुन् ।