टेलिकमले ल्यायो १३ रुपैयाँमा १२ घण्टा टक टाइम, यस्तो छ अटम अफर

काठमाडौ‌ं । नेपाल टेलिकमले अटम अफर सार्वजनिक गरेको छ ।

आजदेखि लागू भएको अटम अफर अन्तर्गत अनलिमिटेड अन-नेट भ्वाइस प्याकेज १३ रुपैयाँमा बिहान ५ बजेदेखि बेलुकी ५ बजेसम्म असिमित कुराकानी गर्न सकिने छ भने १३ रुपैयाँमा बेलुकी १० बजेदेखि बिहान ६ बजेसम्म नेपाल टेलिकमको नेटवर्कमा असिमित कुराकानी गर्न सकिने छ ।

त्यस्तै, अल नेट भ्वाइस प्याक अन्तर्गत १८ रुपैयाँमा १ दिनभित्र सबै नेटवर्कमा २५ मिनेट कल गर्न सकिने छ। भने, अल टाइम डाटा प्याकमा ९५ रुपैयाँमा ७ दिनसम्म जुनसुकै समयमा चलाउन सकिने २.५ जीबी डाटा उपलब्ध रहेको छ ।

त्यसैगरी आकर्षक सुविधा सहितको फोरजी अल टाइम डाटा अफर, युट्युब र फेसबुक चलाउन सकिने सोसल मिडिया प्याक र स्टे कनेक्टेड अल टाइम अफर समेत उपलब्ध गराइएको हो ।

कम्पनीले पोस्टपेड मोबाइलमा उपलब्ध गराइरहेको सजिलो अनलिमिटेड ६३६ प्याकेज प्रिपेड मोबाइलमा पनि उपलब्ध गराउने भएको छ । जसमा ६३६ रुपैयाँमा नेपाल टेलिकमको नेटवर्कमा अनलिमिटेड भ्वाइस, १५० मिनेट अन्य नेटवर्कमा भ्वाइस, २०० वटा सबै नेटवर्कमा एसएमएस र ९ जीबी डाटासहितको प्याकेज उपलब्ध हुनेछ । सो प्याकेज २८ दिनसम्म चलाउन सकिने भएको छ ।

कम्पनीका सेवाग्राहीले ‘नेपाल टेलिकम’ एप डाउनलोड गरेर चलाउदा १ जीबी डाटा बोनसको रुपमा उपलब्ध र सो डाटा ३ दिनसम्म प्रयोग गर्न सकिने जनाइएको छ ।