सरकारले राम्रो काम गरिरहेको छ : माधव नेपाल

कैलाली । नेकपा एकीकृत समाजवादीका अध्यक्ष तथा पूर्वप्रधानमन्त्री माधव कुमार नेपालले वर्तमान सरकारले राम्रो काम गरिरहेको टिप्पणी गरेका छन् । मेची महाकाली जागरण अभियानलाई कैलालीको धनगढीमा सम्बोधन गर्नै नेपालले यस्तो टिप्पणी गरेका हुन् ।

इजरायलमा हमासको आक्रमणबाट प्रभावित भएकाहरु सरकारले तत्काल उद्दार गरेको भन्दै नेपालले सरकारको प्रशंसा गरेका हुन् । उनले अन्यलाई पनि अब नेपाल ल्याउनु पर्ने बताए । ‘युद्धमा परेका नेपालीहरुलाई तत्काल उद्दार गरेर सरकारले राम्रो काम गरेको छ’, नेपालले भने, ‘अरुहरुलाई पनि ल्याउनु पर्छ अब ।’

मुलुकमा सबै भन्द समस्या अभाव गरिबी र पछौटेपन रकेको समेत उनले स्पस्टपारे । आफ्नो पार्टीले रोजगारी, सुशासन र समृद्धिको लागि लागिरहेको समेत जानकारी दिए ।

मुकुल सफल बन्न नसक्नुमा भष्टाचार मुख्य कारक रहेको पनि नेपालले स्पस्ट पारेका थिए ।