‘लौ माया सुटुक्कै’मा रोमान्स र बाध्यताको मिश्रण (भिडिओ)

काठमाडौं । गायिका विन्दु परियार र गायक भुपाल परियारको आवाजमा दसैंलक्षित लोक दोहोरी गीत ‘लौ माया सुटुक्कै’सार्वजनिक भएको छ ।

गीतको कम्पोज गणेश बाबु बिकले गरेका छन् भने शब्द पदम गुरुङ र सुन्दर खनालको रहेको छ । त्यस्तै, सुदीप सागरको एरेन्ज रहेको छ । त्यस्तै, म्यूजिक भिडिओमा विराज बास्कोटा, अतीत निरौला, जेशिका पोखरेल र एलिना थपलियाको फिचरिङ रहेको छ ।

भिडिओलाई राज शेर्मा र लेखराज तामाङले निर्देशन गरेका छन् । त्यस्तै, किरण राई र विक्रम डीसीले सिनेम्याट्रोग्राफी गरेका छन् । झापाको अर्जुनधारालगायतका क्षेत्रमा सुटिङ गरिएको गीतमा सांस्कृतिक पहिचानलाई पनि ध्यान दिएको छ ।

भिडिओ सुन्दर खनाल युट्यूब च्यानलबाट सार्वजनिक भएको हो ।

लोक दोहोरी गीतको भिडिओ सुटिङ हेरेपछि अर्जुनधारा नगरपालिकाका मेयर बलदेव सिंह गोम्देनले कला संस्कृतिका लागि आफूले आफ्नो नगरबाट गर्न सक्ने विषयमा योगदान गर्ने प्रतिवद्धता जनाएका थिए ।

भिडिओमा पञ्चेबाजा, नेपाली पोशाक एवम् झापाका विभिन्न मनोरम दृष्यहरु समेटिएका छन् । त्यस्तै, भिडिओको अन्तिममा नेपाली युवाहरुको बाध्यतालाई पनि उजागार गर्ने प्रयत्न गरिएको छ । विदेश जानुपर्ने विवशतालाई मार्मिक ढंगले प्रस्तुत गरिएको छ भने गीतको बीचमा युवा युवतीबीचको रोमान्टिक प्रसंगलाई उल्लेख गरिएको छ ।

भिडिओ