पूर्ववडाअध्यक्ष डिल्ली अधिकारीले ल्याए ‘खाडीको लाहुरे’
नेपाल प्रेस
२०८० असोज २९ गते १३:५६
काठमाडौं । डिल्लीराम अधिकारीको स्वरमा ‘खाडीको लाहुरे’ बोलको गीत भिडिओसहित बजारमा आएको छ ।
नेपमेलो युटुब च्यानलबाट सार्वजनिक गीतमा अष्ट्रेलिया/अमेरिकाको ग्रीन कार्ड र खाडी मुलुकमा पसिना बगाउनेमाथि समाजको हेर्ने दृष्टिकोण देखाउन खोजिएका छन् । भोजपुरको अरुण गाउँपालिका-७ का पूर्ववडाअध्यक्ष तथा गत स्थानीय निर्वाचनमा गाउँपालिका अध्यक्षमा माओवादीका उम्मेदवारसमेत रहेका अधिकारीले यही गीतमार्फ गायनमा डेब्यू गरेका हुन् ।
सानैदेखि गायनमा रुचि राख्ने अधिकारीले ‘खाडीको लाहुरे’ बाट सम्भावना देखाएका छन् ।
समसामयिक सामाजिक विषयवस्तुमा आधारित देशनरेश अधिकारीको शब्द रचना र संगीत रहेको गीतमा योगेशकाजीको संगीत संयोजन रहेको छ । भिडिओमा अर्जुन सापकोटा, जुना कार्की, रेखा अधिकारी र देशनरेश अधिकारीको अभिनय छ ।
भिडिओको निर्देशन मौसम हिमालीले गरेका हुन् भने छायांकन बुद्ध थापाको छ ।
नेपाल प्रेस
प्रकाशित: २०८० असोज २९ गते १३:५६
प्रतिक्रिया
सम्बन्धित खवर
