‘थ्री इडियट्स’ फिल्मका सोनम वाङ्चुक काठमाडौंमा, महावीरसँग सहकार्य गर्ने

काठमाडौं । भारतको लद्दाखका इन्जिनियर सोनम वाङ्चुक शैक्षिक अभियन्ता पनि हुन् । सन् २०१८ मा उनले एसियाको नोबेल पुरस्कार भनिने रोमन म्यागासेसे पनि जितेका थिए ।

उनै सोनम अहिले नेपाली राजधानी आइपुगेका छन् । उनले मंगलबार काठमाडौंको कीर्तिपुरस्थित राष्ट्रिय आविष्कार केन्द्र पुगेर नेपाली रोमन म्यागासेसे विजेता महावीर पुनसँग भेट गरे ।

आज राष्ट्रिय आविष्कार केन्द्रमा लद्दाख भारत बाट प्रख्यात बैज्ञानिक Sonam Wangchuk आऊनु भयो. उहाँले नेपालीमा बोलेको भिडियो हेर्नुस्। थ्री ईडीयट (Three Idiots) भन्ने अमीर खान हिरो भएको फिल्म धेरैले हेर्नु भयो होला। सो फिल्म उहाँको जीवनमा आधारित फिल्म थियो। अब उहा संग सहकार्य गरिन्छ pic.twitter.com/6gCRz5mzWX

— Mahabir Pun (@MahabirPun) March 29, 2021

महावीर र सोनमले आविष्कारको क्षेत्रमा सहकार्य गर्ने बताएका छन् । आमिर खानले अभिनय गरेको फिल्म ‘थ्री इडियट्स’ सोनमकै जीवनबाट प्रभावित छ । ‘थ्री इडियट्स’कै कारण सोनम निकै चर्चित भएका थिए ।

सोनमसँगको भेटपछि पुनले भिडियो जारी गरेका छन् । जहाँ सोनमले आविष्कार भन्ने कुरा न्यूयोर्क र दिल्लीबाट आउने नभई माटो सुहाउँदो तरिकाले हुनुपर्ने बताएका छन् ।