विश्वकप छनोटको दोस्रो चरणमा नेपालको खेल तालिका सार्वजनिक

काठमाडौं । विश्वकप फुटबलको छनोटअन्तर्गत दोस्रो चरणको नेपालले खेल्ने सुरुका दुई खेलको मिति तय भएको छ ।

नेपालले नोभेम्बर १६ तारिखमा यूएई गएर खेल्ने छ भने नोभेम्बर २१ तारिखमा दशरथ रंगशालामा यमनविरुद्ध खेल्ने छ। नेपाल रहेको समूहमा बहराइन पनि रहेको छ ।

नेपालले हालै मात्र लाओसलाई हराएर दोस्रो चरणमा स्थान बनाएको हो । दोस्रो चरणमा नेपालले होम एन्ड अवे आधारमा खेल्नेछ ।