एनआरएनमा पराजित दुई उम्मेदवारले भेटेपछि प्रधानमन्त्री समापनमा जाने कार्यक्रम रद्द

काठमाडौं । गैरआवासीय नेपाली संघ (एनआरएन)को चुनाव परिणाममा विवाद उत्पन्न भएपछि अध्यक्षमा पराजित दुई उम्मेदवारले प्रधानमन्त्री पुष्पकमल दाहाल प्रचण्डसँग भेटेका छन् । आजै बालुवाटार गएर उनीहरुले प्रधानमन्त्रीलाई संयुक्त भेट गरेका हुन् ।

स्रोतका अनुसार भेटमा उनीहरुले एनआरएनको चुनाव परिणाममा धाँधली भएको व्रिफिङ गरेका थिए । उनीहरुले प्रधानमन्त्रीलाई आजको समापन कार्यक्रममा नजान पनि आग्रह गरे । उनीहरुको आग्रह स्वीकार्दै प्रधानमन्त्री दाहाल एनआरएन महाधिवेशनको समापन कार्यक्रममा सहभागी भएनन् ।

आज ३ बजे आयोजना गरिएको समापनमा प्रधानमन्त्री जाने कार्यक्रम निश्चित थियो । तर, विवादका कारण सहभागी नहुने निर्णय लिइएको प्रधानमन्त्रीका प्रेस संयोजक सूर्यकिरणले जानकारी दिए ।