आँचल शर्माले फिलिपिन्सबाट पोस्ट गरिन् विकिनी तस्बिरहरु

नेपालका नायिकाहरु विदेशमा घुमघामका लागि जाना साथ अनिवार्यरुपमा गर्ने एउटा काम के हो ? सायद विकिनी फोटोसुट । अरु जे जे गरे पनि उनीहरु समुद्री तटमा विकिनी लगाएर फोटो खिच्न र सामाजिक सञ्जालमा हाल्न छुटाउँदैनन् ।

आँचल शर्मा चाहीँ किन पछि पर्थिन् ? दशैंको छुट्टी मनाउन श्रीमान डा. उदिप श्रेष्ठसहित फिलिपिन्स पुगेकी आँचलले आज सामाजिक सञ्जालमा विकिनी फोटो पोस्ट गरेकी छन् । आँचलका अनुसार फिलिपिन्सको बोराके आइल्यान्डमा उनले यो फोटो खिचाएकी हुन् । उनले क्याप्सन लेखेकी छन्– सन् स्यान्ड एन्ड स्माइल अल डे लङ (दिनभर घाम, बालुवा र मुस्कानहरु)

आँचलले राखेका तस्वीरले प्रशस्तै प्रतिक्रियाहरु जन्माएको छ । कतिले उनलाई ‘हट’ भन्दै फुर्काएका छन् त कतिले ‘विदेश जानासाथ विकिनी लगाउनैपर्ने ?’ भनेर उडाएका पनि छन् ।

बाबु भट्टराईले फेसबुकमा लेखेका छन्, ‘यति गर्नलाई त नारायणी नदी किनार नै काफी थियो । ज्यादा गर्मी भएको भा रारा, फोक्सुन्डो, गोकियो, तिलिचो तालतिर गएको भा नि हुने ।’

आँचल अहिले रामबाबु गुरुङ निर्देशित फिल्म ‘डिग्री माइलाः एम ए थर्ड क्लास’ मा व्यस्त छिन् । उक्त फिल्मको एक चरणको छायाँकन पूरा भएपछि उनी फिलिपिन्स हिँडेकी हुन् ।