मैत्रीपूर्ण क्रिकेट खेल्दा वीरगञ्जका मेयर सिंहको हात भाँचियो, शल्यक्रिया गर्न काठमाडौंमा
![](https://www.nepalpress.com/wp-content/uploads/2020/11/nepalpress-logo-n.png)
२०८० कार्तिक २० गते १४:०९
![](https://www.nepalpress.com/wp-content/uploads/2023/11/birjunj-nagarpramukh-rajeshman-singh.jpg)
जनकपुरधाम । वीरगञ्ज महानगरपालिकाका मेयर राजेशमान सिंह क्रिकेट खेल्दा घाइते भएका छन् । महानगरमा भएको मैत्रिपूर्ण प्रतियोगितामा मैदानमा लडेका उनको हात भाँचिएको छ ।
नेपाल प्रहरी र सामुदायिक सेवा केन्द्रबीच शनिबार मैत्रीपूर्ण क्रिकेट प्रतियोगिता भएको थियो । मेयर सिंह सामुदायिक सेवा केन्द्र टीमबाट खेलेका थिए ।
ब्याटिङ गर्ने क्रममा रन लिँदै गर्दा लडेपछि उनको दाहिने हात भाँचिएको हो । तत्काल नारायणी अस्पताल भर्ना गरिएकोमा मधुमेह र उच्च रक्तचापका बिरामीसमेत रहेकाले उनको उपचार त्यहाँ सम्भव भएन ।
त्यसपछि थप उपचारका लागि उनलाई काठमाडौं लगिएको छ । मेयर सिंहको हातको शल्यक्रिया गरिएको छ ।
प्रतिक्रिया
सम्बन्धित खवर