सिटिजन्स बैंकका २० भन्दा बढी बचत खाताका यस्ता छन् विशेषता

काठमाडौं । सिटिजन्स बैंक इन्टरनेशनल लिमिटेडले ग्राहकका सबै वित्तीय आवश्यकतालाई एकसाथ पूरा गर्न विभिन्न प्रकारका निक्षेप खाताहरु सञ्चालनमा ल्याएको छ ।

बैंकले चालू आर्थिक वर्षदेखि ग्राहकको भरपर्दो साझेदारका रूपमा ग्राहकका आवश्यकतालाई पूरा गर्ने उद्देश्यले निक्षेप खाता सञ्चालनमा ल्याएको हो ।

सञ्चालनमा ल्याइएका खाता बैंकले प्रतिस्पर्धी बजारमा ग्राहकलाई व्यवसायिक र अनुभवी कर्मचारीद्वारा सेवा प्रदान हुने निक्षेप बचत खाताका प्रमुख पारस थापाले बताए । उनका अनुसार बैंकले खाताको डिजाइन, उत्पादन र वितरण व्यक्ति र संस्थालाई विश्वासयोग्य सेवा दिन बैंकमा आउने ग्राहकका लागि भरपर्दो सेवा उपलब्ध गराउने अठोट लिएको छ ।

थापा भन्छन, ‘बैंकमा खाता खोल्न चाहनेका लागि राम्रो ब्याजदर र उत्कृष्ट सुविधाहरू उपलब्ध गराइनेछ ।’

बैंकले सबै उमेर समूह, पेशा र समुदायका लागि उपयुक्त छुट्टाछुट्टै डिजाइनमा २० भन्दा बढी बचत निक्षेप खाताको व्यवस्था गरेको छ । जहाँ बैंकले महिला, ज्येष्ठ नागरिक, बालबालिका, श्रमजीवी, वैदेशिक रोजगारीमा रहेका व्यक्ति, प्राविधिक ज्ञान भएका व्यक्ति, युवा, एनआरएन आदि सबैका लागि छुट्टाछुट्टै डिजाइनमा बचत निक्षेप खाताको व्यवस्था गरेको छ ।

हरेक खातामा फरक फरक विशेषता रहेका छन् । जसले आवश्यकताअनुसारको खाता खोल्ने ग्राहकलाई सेवा र सुविधा दिनेछ । तोकिएका कुनै पनि समूहका ग्राहकले आफ्नो आवश्यकताअनुसारको खाता छनोट गरी खोल्न सक्ने थापाले बताए ।

आफ्ना खातावालहरुलाई सधैं उच्च ब्याजदर र अधिकतम प्रतिफल प्रदान गर्दै आएको बैंकको दाबी छ । बैंकले आफ्ना ग्राहकलाई प्रतिवर्ष ७.९६६ प्रतिशतको उच्चतम ब्याज प्रदान गर्ने जनाएको छ । सबै बचत खाताहरूमा लागू रहने यो व्यवस्था विदेशी मुद्रा बचत खातामा पनि आकर्षक ब्याजदर उपलब्ध गराएको बचत खाताका प्रमुख थापाले बताए ।

‘बैंकका सबै डिजिटल उत्पादनमा नवीनतम प्रविधिद्वारा सञ्चालित शीर्ष टायर सुरक्षा सुविधा पनि राखिएका छन् । साथै बैंकले डिम्याट, क्यासब र मेरो शेयर सुविधा पनि निःशुल्क उपलब्ध गराएको छ । आफ्ना ग्राहकलाई बीमा सुविधा पनि उपलब्ध गराउँदै आएको छ । जहाँ ५० हजारसम्मको चिकित्सा बीमा र ५ लाखसम्मको दुर्घटना मृत्यु बीमा रहेका छन’, प्रमुख थापाले भने, ‘ग्राहक सेवामा पनि नमस्ते संस्कृतिमा उत्कृष्ट ग्राहक सेवाको लागि परिचित रहेको छ । बैंकको ग्राहक सेवा धेरै छिटो र प्रभावकारी पनि छ । बैंकको सबै प्रक्रिया र सेवा प्रवाह समय तालिकाअनुसार गरिन्छ । ग्राहक सेवा अभिवृद्धि गर्न बैंकले अयोग्य, वृद्धवृद्धा, बिरामी, अशक्त ग्राहकलाई विशेष महत्व दिएर बैंकिङ सेवा प्रदान गर्दै आएको छ ।’

त्यस्तै सुविधा र फाइदाहरूमा सिटिजन्स बैंकले ग्राहकले खोलेका कुनै पनि प्रकारको निक्षेप बचत खातामा उच्चतम ब्याजदर मात्र नभइ विभिन्न सुविधा र उच्चतम फाइदा पनि प्रदान गर्दै आएको छ । ग्राहकलाई मोबाइल बैंकिङ, भिसा डेबिट कार्ड र इन्टरनेट बैंकिङ निःशुल्क उपलब्ध गराउँदै आएको बैंकले हत्केलामा २४ घण्टा बैंकिङ सेवा प्रदान गर्दै आएको छ ।

त्यसैगरी बैंकले ग्राहकका लागि विभिन्न आकारका लकर सुविधा उपलब्ध गराएको छ । ग्राहकको वैदेशिक यात्रामा सहयोग पु¥याउन अमेरिकी डलर ट्राभल कार्ड र विदेशी मुद्रा सटही सुविधा पनि प्रदान गर्दै आएको छ । साथै, ई-कमर्स कार्ड पनि प्रदान गरेको छ । जसले ग्राहकलाई विश्वव्यापी उत्पादन तथा सेवा अनलाइन खरिद गर्न मद्दत गर्छ ।

बैंकले विभिन्न संस्थाका तलब पाउने कर्मचारीका लागि सञ्चित कोष व्यवस्थापन सुविधा भएका खातासमेत उपलब्ध गराएको छ । नेपाली र विदेशी मुद्रा मुद्दती निक्षेपमा उच्च ब्याजदर प्रदान गर्ने व्यवस्था गरेको छ । बैंकसँग ‘रिकरिङ’ निक्षेप पनि छन्, जुन हाइब्रिड उत्पादनहरू हुन् । जसले बचत र मुद्दती निक्षेप दुवैको सुविधा प्रदान गर्छ । जसबाट म्युचुअल फण्डद्वारा प्रस्तावित ‘एसआईपी’ योजनाभन्दा राम्रो प्रतिफल दिने बैंकको दाबी छ ।

बैंकको डेबिट कार्डले विभिन्न १५० बढी आउटलेट रेस्टुरेन्ट, क्याफे, होटल, अस्पताल, किनमेल केन्द्र, अन्तर्राष्ट्रिय अस्पताल जस्तै मेदान्ता-द मेडिसिटी र भारतका अन्य अस्पतालहरूमा छुटहरू प्रदान गर्दै आएको थापाले जानकारी दिए ।

बैंकमा ग्राहकले एकसाथ तीन वटा खाता- बैंक खाता, डिम्याट खाता र ब्रोकर खाता खोल्न सक्ने व्यवस्था पनि गरिएको छ । बैंकले देशभर रहेका सबै शाखामार्फत ग्राहकलाई सम्पूर्ण सेवा उपलब्ध गराइरहेको छ । ग्राहकले विश्वभरबाटै मोबाइल बिल, ल्यान्डलाइन फोन, बिजुली र पानीको बिलसँगै विद्यालय/कलेजको शुल्क भुक्तानी, दलाल भुक्तानी आदि कुनै पनि सेवा लिन सक्छन् ।

बैंकले अनलाइन तथा नागरिक एपमार्फत बैंकमा नगई घरबाटै खाता खोल्ने सुविधा प्रदान गरेको छ । यस्तै बैंकले एफडी खोल्ने, कोष स्थानान्तरण, ऋण अनुरोध, कार्ड अनुरोध, पिन अनुरोध, क्यूआर सेवाहरू घरमै बसेर प्राप्त गर्ने सुविधा प्रदान गर्दै आएको छ ।