‘दुई कदम’ को तेस्रो गीत रिलिज, वर्षा र इओन फिचर्ड

काठमाडौं । मंसिर २९ बाट प्रदर्शन तयारीमा रहेको चलचित्र ‘दुई कदम’ को तेस्रो गीत बजारमा आएको छ । मंगलबार सार्वजनिक ‘ए मेरा बाबैनी’ बोलको गीतमा अभिनेत्री वर्षा सिवाकोटी र डेव्यू अभिनेता इओन लिम्बूलाई फिचर्ड गरिएको छ ।

वर्षालाई सिनेमाको यही गीतमामात्रै देखाइएको छ । गीतको भिडिओमा वर्षा-इओनको केमेष्ट्री जमेको देखिन्छ । गीतमा आशिष अविरलको संगीत तथा स्वर निरुषा भट्टराईको रचना र स्वर रहेको छ । कविराज गहतराजेको कोरियोग्राफी रहेको गीतलाई सौरभ लामाले खिचेका हुन् ।

उदय सुब्बा निर्देशित सिनेमामा वर्षा र इओनसँगै सिमोन गिरी सुनील थापा, कविता आले, सुरवीर पण्डित, प्रेम सुब्बा र गौरव पहारी, बुद्धि तामाङ, अर्जुन गुरुङ, विमला लिम्बू, जीवन लिम्बू, चन्दा दाहाल र प्रितिका शर्माको अभिनय छ ।

अजम्बरी फिल्मस्को व्यानरमा निर्माण भएको सिनेमामा तारादेवी लिम्बूको लगानी छ । दयाराम घिमिरेको कथा तथा पटकथा लेखन, विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी र प्रवीन ढकालको सम्पादन सिनेमामा रहेको छ । सिनेमालाई रिच इन्टरटेनमेन्ट र एफडी कम्पनीले वितरण गर्दैछन् ।