देउवाले बोलाए कांग्रेस पदाधिकारी र पूर्वपदाधिकारीको बैठक
नेपाल प्रेस
२०८० मंसिर १३ गते ११:५४
काठमाडौं । नेपाली कांग्रेसका सभापति शेरबहादुर देउवाले पदाधिकारी र पूर्वपदाधिकारीको बैठक बोलाएका छन् ।
देउवा निवास धुम्बाराहीमा दिउँसो १ बजे बस्नेगरी बैठक बोलाएको प्रचार विभाग प्रमुख मीन विश्वकर्माले बताए ।
उनले भने, ‘बैठकमा समसामयिक राजनीतिक विषय र महासमिति बैठकको तयारीलगायत विषयमा छलफल हुन्छ ।’
महासमिति बैठकअघि विभागका संयोजक र सदस्यलाई पूर्णता दिनुपर्ने दिने देउवाको तयारी छ ।
पुस १६ देखि १९ गतेसम्म महासमिति बैठक बस्दै छ ।
यस्तै, पछिल्लो समय संघीय लोकतान्त्रिक गणतन्त्र र संविधानमाथि प्रश्न उठाउँदै राजावादीहरूको सक्रियताको विषयमा पनि छलफल हुने बताइन्छ ।
नेपाल प्रेस
प्रकाशित: २०८० मंसिर १३ गते ११:५४
प्रतिक्रिया
सम्बन्धित खवर
