डा. स्वर्णिम वाग्ले रास्वपा उपसभापति, अरु पदमा को-को आए ?

काठमाडौं । रास्वपाले डा. स्वर्णिम वाग्लेलाई पार्टीको उपसभापतिमा मनोनीत गरेको छ । आज सम्पन्न भएको पार्टी केन्द्रीय समिति र संसदीय समितिको संयुक्त बैठकले सो निर्णय गरेको हो ।

जलेश्वरमा तीन दिनसम्म बसेको बैठकले पार्टीको केन्द्रीय समिति ६० सदस्यीय पुर्याएको छ । बैठकले सांसद समेत रहेकी नेतृ सुमोन श्रेष्ठ र विपिन आचार्यलाई सहमहामन्त्री चयन गरेको छ । यस्तै कोषाध्यक्षमा लिमा अधिकारी र सहकोषाध्यक्षमा दिपक बोहरा चुनिएका छन् । सहप्रवक्तामा मनिष झा, प्रतिभा रावल र रमेश प्रसाईंलाई जिम्मेवारी दिइएको छ ।

पार्टीमा सबै सांसदहरुलाई केन्द्रीय सदस्य बनाइएको छ । यस्तै पाँच केन्द्रीय सदस्य थप भएका छन् । थपिएकाहरुमा अनिल केशरी शाह, राजन गौतम, नन्दन यादव, पुकार बम र कामिनी चौधरी रहेका छन् ।

यसअघि रास्वपा पदाधिकारी टीम सानो थियो । सभापतिसहित ५ जना मात्र पदाधिकारी थिए ।

उपसभापति डीपी अर्याल, महामन्त्री/प्रवक्ता डा. मुकुल ढकाल, सहमहामन्त्री कविन्द्र बुर्लाकोटी र सहकोषाध्यक्ष बसुमाया तामाङ पहिल्यैबाट थिए ।

अहिले अरु पार्टीको जस्तै रास्वपाले पनि पदाधिकारी टीम मद्दा बनाएको छ ।