ब्रिटिस कलेजले सञ्चालनमा ल्यायाे इन्क्युबेशन सेन्टर

काठमाडौं । द ब्रिटिस कलेज (टीबीसी)ले इन्क्युबेशन सेन्टर सुरु गरेको छ । ब्रिटिस एजुकेशन ग्रुपअन्तर्गतको ब्रिटिस कलेजले बिहीबार आधिकारिक रुपमा इन्क्युबेशन सेन्टर सुरु गरेको हो ।

कलेजका अनुसार इन्क्युबेशन सेन्टरले सेवा तथा स्रोत/साधनहरुको क्षेत्रमा काम गर्नेछ । जसले स्रोत तथा साधनहरुको उपलब्धतासँगै विशेष कार्यक्रम, कार्यशाला गोष्ठी, बिजनेस नेटवर्किङको अवसरलगायतका सेवाहरु प्रदान गर्नेछ ।

सेन्टरले उद्यमीहरूलाई सहयोग गर्न सल्लाहकार, विभिन्न पक्षहरुसँग समन्वय गर्ने अवसर, व्यापारिक समूहबीचको समन्वय वृद्धि तथा कार्यक्रम गर्न स्थान उपलब्ध गराउनेछ ।

त्यस्तै इन्क्युबेशन सेन्टरमा मुख्यतः विज्ञहरु हुनेछन्, जसले सबैलाई समेटेर विकसित डिजिटल परिदृश्यमा स्टार्टअपहरुको सुरक्षा र प्रत्याभूतिको सुनिश्चितताका लागि मिलेर काम गर्नेछ ।