आज सुनको मूल्य १ लाख १९ हजार रुपैयाँ कायम

काठमाडौं । शुक्रबार नेपाली बजारमा सुनको मूल्य घटेको छ भने, चाँदी हालसम्मकै उच्च मूल्यमा कारोबार भइरहेको छ ।

आज बजारमा छापावाल सुनको मूल्य तोलामा तीन सयले घटेर १ लाख १९ हजार रुपैयाँ कायम भएको छ भने हिजो १ लाख १९ हजार तीन सयमा कारोबार भएको थियो।

त्यस्तै अघिल्लो दिन प्रतितोला एक लाख १८ हजार ७५० रुपैयाँमा कारोबार भएको तेजाबी सुन आज एक लाख १८ हजार ४५० रुपैयाँमा झरेको छ ।

नेपाल सुनचाँदी व्यवसायी महासंघका अनुसार आज चाँदी प्रतितोला २० रुपैयाँले बढेर एक हजार ५४० रुपैयाँ कायम भएको छ । जुन हालसम्मकै उच्च मूल्य हो । अघिल्लो दिन बिहीबार मात्रै प्रतितोला एक हजार ५२० रुपैयाँमा कारोबार भएको थियो ।