‘कबड्डी’ पछि ‘रिमै’मा दयासँग आउँदै रिस्मा
नेपाल प्रेस
२०८० मंसिर १७ गते ११:०१
काठमाडौं । अभिनेत्री रिस्मा गुरुङ ‘कबड्डी’ पछि पुनः अभिनेता दयाहाङ्ग राईसँग सिनेमामा देखिने भएकी छन् ।
‘रिमै’ बाट उनीहरु चर्चित जोडी फेरि पर्दामा आउन लागेको हो ।
गोरख सिरानचोक एण्ड लिगलिग कोट फिल्मस् प्रालिको व्यानरमा बन्ने सिनेमालाई खिल बहादुर गुरुङ्गले निर्देशन गर्नेछन् ।
सिनेमामा दया र रिस्माका अलावा विरबल घले प्रमूख भूमिकामा देखिनेछन् ।
उपेन्द्र सुब्बा सिनेमाका पटकथा लेखक हुन भने कथा निर्देशक गुरुङ्ग र अभिनेता घलेले लेखेका हुन् ।
सिनेमाको कार्यकारी निर्मातामा टिका गुरुङ्ग (युके), प्रकाश गुरुङ्ग (युके), जित यात्री गुरुङ्ग (नर्वे) तथा सचि कुमारी घले रहेकछन् भने दुन बहादुर घले, हेमा गुरुङ्ग तथा विजय लामा सिनेमामा सह-निर्माताका रुपमा रहनेछन् ।
सिनेमाको हाल प्रिप्रोडक्सन चलिरहेको छ भने निर्माणपक्षले थप जानकारी केही समयपछि दिने जनाएको छ ।
‘रिमै’ को चैत्रमा फ्लोरमा जाने गरी तयारी भइरहेको छ ।
‘कबड्डी’ सिनेमामा दया र रिस्माको नोकझोकलाई दर्शकहरुले खुबै मनपराएका थिए । यो सिनेमाले त्यो ‘केमिस्ट्री’लाई पुनः ताजा गराउने अनुमान गर्न सकिन्छ ।
सिनेमालाई बितरण आरआर फिल्मस्ले गर्दैछ ।
नेपाल प्रेस
प्रकाशित: २०८० मंसिर १७ गते ११:०१
प्रतिक्रिया
सम्बन्धित खवर
