आँचलको साउथ फिल्मको टिजर रिलिज, अमेजन प्राइमले किन्यो फिल्म

काठमाडौं । नेपाली फिल्मलाई विश्वव्यापी रिलिज गर्ने उद्देश्यसहित बनाइएको इन्डो नेपाली फिल्म हिटम्यानको पोस्टर र टिजर रिलिज गरिएको छ ।

नेपालका लोकप्रिय कलाकार एवं दक्षिण भारतीय- तेलगु फिल्मका व्यस्त प्राविधिकहरुको सहकार्यमा निर्मित यस फिल्ममा आँचल शर्मा, विष्णु अधिकारी, प्रशान्त ताम्राकार मूख्य भूमिकामा छन् ।

फिल्मलाई नेपालसहित भारत र प्रसिद्ध ओटिटी प्लेटफर्म अमेजन प्राइम भिडिओमा समेत प्रदर्शन गर्ने जानकारी गराइयो । पोस्टर रिलिज कार्यक्रममा अमेजन प्राइम भिडियोको तर्फ बाट भेन्डरपार्टनर बनेर आएका प्रतिनिधि राजिभ थसभतापलीको समेत उपस्थिति रहेको थियो । उनले यो फिल्मले नेपाल र भारतका दर्शक माझ पुलको काम गर्ने बताए ।

निर्देशक समेत रहेका मुख्य अभिनेता विष्णु अधिकारीले फिल्मलाई उत्कृष्ट बनाउन बिभिन्न ५ देशमा छायांकन गरिएको र क्वालिटी उच्च बनाएको दाबी गरे । उनले यो फिल्म रिलिज पश्चात अभिनेत्री आँचल शर्मालाई तेलगु इन्ड्स्ट्रीजले समेत खोज्ने दाबी पनि गरेका छन् ।

पोस्टरमा देखिए पनि टिजरमा नदेखिएकी आँचलले फिल्मको आगामी ट्रेलरमा आफू धमाकेदार शैलीमा देखिने बताइन । दीपक अधिकारी निर्माता रहेको फिल्ममा साउथका चर्चित सङ्गीतकार मन्त्र आनन्द, सम्पादक बि नागेश्वर रेडीले पनि सहकार्य गरेका छन् । फिल्म आउदो फेब्रुअरी महिनामा एक साथ विश्वव्यापी रिलिज गरिने बताइएको छ ।

भिडिओ