चितवन नेपाली कांग्रेसको हातबाट पर गइसक्याे, व्यक्तिवाद हावी भयो : शेखर कोइराला (भिडिओ)

काठमाडौं । नेपाली कांग्रेसका नेता डा. शेखर कोइरालाले चितवन नेपाली कांग्रेसको हातबाट गएको बताएका छन् ।

चितवन काठमाडौं प्रजातान्त्रिक संगमको १२ औं अधिवेशनलाई सम्बोधन गर्दै डा. कोइरालाले पार्टीमा व्यक्तिवाद हावी भएको बताउँदै चितवन कांग्रेसको हातबाट उम्केको टिप्पणी गरे ।

चितवन प्रजातान्त्रिक बाटोबाट हिँडिसकेको उनले टिप्पणी गरे । ‘यो गल्ती नेपाली कांग्रेसबाटै भएको हो’, उनले भने, ‘म तपाईंहरुलाई दोष दिन्नँ, कारण तपाईंहरु होइन, कारण हामी केन्द्रका नेतृत्वका कारणले यस्तो भएको हो ।’

तर चितवनमा रहेका कांग्रेसका नेताहरु ठीक छन् त भन्ने पनि ठूलो प्रश्न भएको उनले बताए । ‘व्यक्तिवादी चरित्र यति धेरै हावी भएको छ कि नेतृत्वलाई एक्सेप्ट नै नगर्ने अवस्था आएको छ’, उनले भने, ‘हाम्रो कमजोरी गल्ती छ नै नेतृत्वकै कमजोरी त छ नै तर चितवनकै कांग्रेसीहरु चाहिँ ठीक हुनुहुन्छ त भन्ने प्रश्न सधैं रहिरहेको छ ।’

उनले गत स्थानीय तहको निर्वाचनकोृ अवस्थालाई इंगित गर्दै यस्तो बताए ।