संसद सचिवालयको महासचिव नियुक्तिका लागि पदम पाण्डेको नाम सिफारिस
नेपाल प्रेस
२०८० मंसिर २५ गते ११:२५
काठमाडौं । संसद सचिवालयको महासचिवमा पदमप्रसाद पाण्डेको नाम राष्ट्रपति समक्ष सिफारिस भएको छ ।
सभामुख देवराज घिमिरे र राष्ट्रियसभा अध्यक्ष गणेश तिमल्सिनाले आज राष्ट्रपति रामचन्द्र पौडेललाई भेटेर पाण्डेको नाम महासचिवमा नियुक्तिका लागि सिफारिस गरेका हुन् ।
पाण्डे हाल प्रतिनिधिसभाको सचिव छन् ।
हालका महासचिव डा. भरतराज गौतमलाई राजीनामा गराएर पाण्डेलाई नियुक्तिको सिफारिस गरिएको हो । गौतमको कार्यकाल आगामी भदौमा सकिदैछ । राष्ट्रियसभा अध्यक्ष तिमिल्सिनाको कार्यकाल सकिन लागेको र अब आउने अध्यक्ष सत्ता गठबन्धनको हुने भएकाले त्यसअघि नै एमालेनिकट गौतमलाई राजीनामा गराएर आगामी ५ वर्ष पाण्डेलाई महासचिव बनाउन लागिएको स्रोतले बतायो ।
पाण्डेलाई नायव महान्यायाधिवक्ताबाट राजीनामा गरेपछि प्रतिनिधिसभाको सचिव नियुक्त गरिएको थियो ।
नेपाल प्रेस
प्रकाशित: २०८० मंसिर २५ गते ११:२५
प्रतिक्रिया
सम्बन्धित खवर
