डिशहोमद्वारा विश्वकप छनोट अन्तर्गतको पुरस्कार रकम खेलाडीलाई प्रदान
काठमाडौं । डिशहोमले आईसीसी टी–२० विश्वकप छनोटमा घोषणा गरेको पुरस्कार रकम खेलाडिलाई प्रदान गरेको छ ।
आइतबार डिशहोमको मुख्य कार्यालयमा घोषणा पुरस्कार रकम खेलाडीहरुलाई नगद पुरस्कार प्रदान गरेको हो ।
नेपाल क्रिकेट संघका सचिव पारस खड्का, मुख्य प्रशिक्षक मोन्टी देसाई, कप्तान रोहित कुमार पौडेल लगायतका खेलाडीहरुको उपस्थितीमा पुरस्कार रकम प्रदान गरिएको डिशहोमले जनाएको छ ।
२९ अक्टोवर २०२३ देखी सुरु भएको आईसीसी टी–२० आई विश्वकप एसिया क्षेत्र छनोटको खेलमा डिशहोम फाइबरनेटले ‘अब इतिहास रच्ने पालो हाम्रो’ भन्ने नारासहित नगद पुरस्कार घोषणा गरेको थियो ।
पुरस्कार अन्तर्गत खेलमा शतक प्रहार गर्ने नेपाली खेलाडीले १० लाख रुपैयाँ त्यस्तै, एकै खेलमा शतक र ५ विकेट लिने खेलाडीले २० लाख रुपैयाँ दिइने डिशहोमले जनाएको थियो । एकै खेलमा ५ विकेट लिएमा ५ लाख, अर्धशतक बनाएमा १ लाख, कम्तीमा ३ विकेट लिएमा १ लाख, कम्तीमा ३५ रन बनाएमा ५० हजार र कम्तीमा ३ क्याच वा स्टम्पिङ गर्ने खेलाडीलाई ५० हजार रुपैयाँ दिइने जनाएको थियो ।