पियोर इनर्जीद्वारा सौर्य पीभी विद्युत आयोजना बाँकेको टेसटीङ सम्पन्न

काठमाडौं । गोल्याण ग्रुप अन्तर्गतको कम्पनी पियोर इनर्जी लिमिटेड ले सौर्य पीभी विद्युत आयोजना बाँकेको टेसटीङ तथा कमिसनिङ सफलतापूर्ण सम्पन्न गरेको छ ।

आइतबार रनियापुर खजुरा गाउँपालिका बाँके स्थित ग्रिडमा आवद्ध सौर्य पीभी विद्युत आयोजना बाँके ब्लक–१ (१० मेगावाट)को टेसटीङ गरेको हो ।

अब ब्लक १ आयोजनाको सञ्चालन सँगै, नेपालको परिपेक्षमा निजी लगानीबाट निर्माण तथा संचालन हुने सबैभन्दा ठुलो पावर प्लान्टकोरूपमा स्थापित भएको कम्पनीले जनाएको छ ।

आयोजनाबाट उत्पादित उर्जा राष्ट्रिय ग्रिडमा सम्मिलित भई नेपालको उर्जामा योगदान गर्नुको साथै जलवायु परिवर्तनको समस्या समाधान तर्फपनि सकारात्मक भूमिका हुने कम्पनीको विश्वास छ ।

कम्पनी अन्तर्गतको ब्लक–२ आयोजना गत मंसीर १९ गते देखि नै व्यापारिक उत्पादन सुरु भई हाल सञ्चालनमा आइसकेको छ ।