स्वास्थ्यमा समस्या देखिएपछि कोरोना संक्रमित अक्षय कुमार अस्पताल भर्ना

मुम्बइ : कोरोनाभाइरसबाट संक्रमित बलिउड अभिनेता अक्षयकुमारलाई सोमबार अस्पताल भर्ना गरिएको छ । उनको स्वास्थ्यमा समस्या देखिएको बलिउड संचारमाध्यमले जनाएका छन् ।

आज बिहान उनलाई मुम्बइको हिरानंदानी अस्पतालमा भर्ना गरिएको छ । उनले ट्वीट गर्दै यस्तो जानकारी दिएका हुन् । उनले फ्यानलाई सम्बोधन गर्दै चाँडै घर फर्कने पनि बताएका छन् ।

आइतबार कोरोना पजेटिभ देखिएपछि आफूले कोभिड प्रोटोकल पालना गरेको र आइसोलेसनमा बसेको जनाएका थिए । अक्षयको आगामी सूर्यवंशी पनि मुम्बई लकडाउनको कारण पोस्टपोन्ड भएको छ ।