सुनीता डंगोल भन्छिन् – महानगरका गौरव र स्वर्णिम योजना सकिएसँगै राजधानीको मुहार फेरिनेछ (भिडिओ)

काठमाडौं । काठमाडौं महानगरपालिकाकी उपप्रमुख सुनिता डंगोलले महानगरले ल्याएका १० गौरव र २५ स्वर्णिम योजनाहरु सम्पन्न भएसँगै संघीय राजधानीको मुहार फेरिने दाबी गरेकी छन् ।

शुक्रवार २९ औं महानगर दिवसको अवसरमा सैनिक मञ्च टुँडिखेलमा आयोजित कार्यक्रममा बोल्दै उनले यस्तो बताएकी हुन् । उनले काठमाडौं महानगरपालिकाले वृहत्तर विकास गर्ने उद्देश्यले चालु आर्थिक वर्षमा हामीले नीति कार्यक्रम र बजेट सोही अनुसार बनाएको बताइन् ।

उनले नियमितरुपमा सञ्चालन हुने दैनिक प्रशासनिक काम मात्र नभइ नयाँ कामको पनि थालनी गरिरहेको बताइन्। उनले हरेक सेवाग्राहीको न्यायमा सहज र सरल ढंगले पहुँच पुर्‍याउन निःशुल्क कानूनी सेवा उपलब्ध गराएको पनि बताएकी छन् । उनले महानगरका कामबाट महानगरवासी खुशी भएको अनुभुति गरेको बताइन् ।

उपप्रमुख डंगोलले महानगरपालिकाले विभिन्न नयाँ सँगै सिर्जनात्मक क्रियाकलाप अघि बढाइरहेको बताइन्।