बर्दियाबाट चिडियाखानामा ल्याइयो नरभक्षी बाघ
नेपाल प्रेस
२०७७ चैत २४ गते १२:४७
काठमाडौं । बर्दिया राष्ट्रिय निकुञ्जबाट नियन्त्रणमा लिएको नरभक्षी बाघलाई ललितपुरको जावलाखेलस्थित सदर चिडियाखानामा ल्याइएको छ।
बाघको आक्रमणबाट बर्दिया राष्ट्रिय निकुञ्जका कर्मचारीको मृत्यु भएपछि उक्त बाघलाई नियन्त्रणमा लिएर मंगलबार चिडियाखाना ल्याइएको हो ।
आक्रमण गर्ने बाघलाई निकुञ्जको टोलीले डार्ट हानेर बेहोस बनाइ नियन्त्रणमा लिइएको हो ।
ठाकुरबाबा नगरपालिका–९ गैडामचानस्थित बर्दिया राष्ट्रिय निकुञ्जमा कार्यरत ३४ वर्षीय पुलीसराम थारुको आइतबार साँझ पौने ६ बजे बाघको आक्रमणबाट मृत्यु भएको थियो ।
१० वर्षको भाले बाघलाई बर्दियाबाट गाडीमा हालेर ल्याइएको हो। बाघलाई बिहान ११ बजे चिडियाखाना ल्याइएको हो ।
चिडियाखानाका कर्मचारीका अनुसार उक्त बाघलाई अहिले आराम गर्न राखिएको छ । अपरान्न ४ बजे छोडिनेछ ।
नेपाल प्रेस
प्रकाशित: २०७७ चैत २४ गते १२:४७
प्रतिक्रिया
सम्बन्धित खवर
