चलचित्रसम्बन्धी अध्यापनका लागि इन्स्टिच्युट स्थापना

काठमाडौं । श्रव्यदृश्य सामग्री निर्माण, उत्पादनसम्बन्धी विधाबारे अध्ययन, अध्यापन गराउने गरी फिल्म एन्ड टेलिभिजन इन्स्टिच्यूट अफ नेपाल (FTIN) को सुरूवात गरिएको छ । ललितपुरको बागडोलमा स्थापना गरिएको इन्स्टिचुय्टको ललितपुर महानगरपालिका- ४ अध्यक्ष सन्तोष खड्काले उद्घाटन गरे ।

खड्काले इन्स्टिच्युटमा हुने अध्ययन, अध्यापनमा वडाको पूर्ण सहयोग रहने प्रतिवद्धता व्यक्त गरे । इन्स्टिच्युटका कार्यकारी निर्देशक आशिष रिजालले चलचित्र वा भिडिओसँग सम्बन्धित सम्पूर्ण विधामा ७७ वटै जिल्लामा कार्यशाला, तालिम सञ्चालन गरिसकेको समूहबाट इन्स्टिच्युट सञ्चालन भइरहेको जानकारी गराउँदै समाजलाई गुणस्तरीय सीप र प्रविधि हस्तान्तरण गर्ने बताए ।

माघबाट नियमित कक्षा सञ्चालन गरिने इन्स्टिचुय्टमा सिनेमाटोग्राफी, श्रव्यदृश्य सामग्री प्रोडक्सन, निर्देशन, श्रव्यदृश्य सम्पादन लगायतका सीप सिकाइने बताइएको छ ।