आरबीबी-एनभीए भलिबल लिगमा एपिएफ र न्यू डायमण्ड विजयी

काठमाडौं । जारी आरबीबी-एनभीए पुरुष तथा महिला राष्ट्रिय भलिबल लिगमा महिला तर्फ नेपाल एपिएफ क्लब र न्यू डायमण्ड स्पोर्ट्स क्लब विजयी भएका छन् ।

त्रिपुरेश्वरस्थित राष्ट्रिय खेलकुद परिषद्को कभर्डहलमा मंगलबार भएको पहिलो खेलमा नेपाल एपिएफ क्लबले भरतपुर मेट्राे खेलकुद परिषदलाई ३-० को सोझो सेटमा पराजित गरेको हो ।

दोस्रो खेलमा न्यू डायमण्ड स्पोर्ट्स क्लबले नेपाल पुलिस क्लबलाई ३-० को सोझो सेटमा हराएको हो । पहिलो खेलमा एपीएफले भरतपुर विरुद्ध २५-१३,२५-७,२५-९ को नतिजा निकाल्यो ।

दोस्रो खेल्मा न्यू डायमण्डले पुलिसलाई २५-२२,२५-२२,२५-१६ ले पराजित गर्‍यो ।

एपीएफ ४ खेल बाट १० अंकसहित लिग तालिका को दोस्रो स्थानमा छ भने समान खेलबाट समान अंकसहित सेटको आधारमा न्यू डायमण्ड लिग तालिकाको शीर्ष स्थानमा छ । पुलिस र आर्मीको बराबर ८ अंक छ ।

पुलिसले अर्को खेलमा बुधबार त्रिभुवन आर्मी क्लबसँग खेल्नेछ । न्यू डायमण्डले एपिएफसँग प्रतिष्पर्धा गर्नेछ ।