प्रकाश सपूतको ‘मुटु कटक्कै’ युट्युबको शीर्ष स्थानमा

काठमाडौं । गायक एवं सर्जक प्रकाश सपुतको नयाँ गीत सोमबार मात्रै सार्वजनिक भएको ‘मुटु कटक्कै’  युट्युब ट्रेडिङको शीर्ष स्थानमा उक्लिएको छ ।

सार्वजनिक भएको २४ घण्टा बिते लगत्तै १० लाख भन्दा बढीले युट्युवमा हेरिसकेका छन् । ‘मुटु कटक्कै’ को भिडिओ सोमबार गायक सपुतकै युट्युव च्यानलबाट सार्वजनिक भएको हो । यस गीतमा तत्कालै दर्शक झुम्मिएका छन् । गती सार्वजनिक भएको ५ लाख २५ हजारपटक हेरिएको युट्युबको भिडियो शीर्ष ट्रेन्डिङतर्फ लम्किएको छ ।

यो गीतको गायनमा सपुतलाई थप दुई गायक प्रताप दास र कुशल बेल्बासेले साथ दिएका छन् । ‘केटा मान्छेलाई रुन एउटा ठाउँ चाहिन्छ’ भन्ने रोचक विषयवस्तु उनले गीतमार्फत उठान गरेका छन् ।

गीतको शब्द र संगीत प्रकाश सपुतकै हुन् । भिडियोमा उनले कुशुम शर्मा उर्फ सकम्बरीलाई आफ्नो अनस्क्रिन जोडी बनाएका छन् । सपुतको गीत ‘फुलमाया’ बाट हिट भएकी कुशमको ग्ल्यामर लुकले दर्शकलाई तानकेो छ ।

बागलुङको काठेखोला गाउँपालिका–३ धम्जामा जन्मिएका गायक प्रकाश सपूतका यसअघि ‘गलबन्दी’, ‘बोलमाया बोल’, ‘फुटेका चुरा’, ‘बदला बरीलै’, ‘मेरो पनि होइन र यो देश’, ‘पर–पर छु’, ‘पिर’, ‘सकम्बरी’, ‘दमाइ महाराजा’ र ‘कुरा बुझ्नुपर्छ एक र दुई’ लगायत गीत सार्वजनिक भइसकेका छन् ।

गायक प्रकाश सपुतका गीत सँधै दर्शक तथा स्रोताका लागि प्रतिक्षित हुन्छन् । हरेक गीतमा नयाँ शैली र भिडियोमा सिर्जनशीलता उनको विशेषता हो ।