विद्याभूषण बन्यो जुनियर कपको च्याम्पियन

कैलाली । विद्याभूषण स्कुलले स्टेपिङ स्टोन जुनियर कपको उपाधि जितेको छ ।

फाइनलमा डिस्कोभरी स्कुललाई ३९ रनले पराजित गर्दै विद्याभूषण च्याम्पियन बनेको हो ।

विजेता विद्याभूषणले ट्रफीसहित ३० हजार नगद पुरस्कार पायो भने उपविजेता डिस्कोभरीले १५ हजार पायो ।

टस जितेर पहिले ब्याटिङ गरेको विद्याभूषणले निर्धारित २० ओभरमा ८ विकेट गुमाएर ८३ रन बनाएको थियो । उसका नबिन शाहले ३० रन जोडे । डिस्कोभरीका अनुपराज गिरीले २ विकेट लिए ।

जवाफी ब्याटिङमा डिस्कोभरीले १४ ओभरमा सबै विकेट गुमाएर ४४ रनमात्रै जोड्न सक्यो ।

प्रतियोगिताको प्लेयर अफ द सिरिज डिस्कोभरी स्कुलका गौरव खड्का चुनिए । यस्तै बेस्ट ब्याट्सम्यान सन्देश गिरी र बेष्ट बलर लोचन खनाल चुनिए ।

सर्वोत्कृष्ट खेलाडीले नगद २ हजार सहित डिसिएमा निःशुल्क भर्ना सहित ४ महिनाको छात्रवृत्ति पाए । उत्कृष्ट बलर ब्याटरले एक हजार सहित डिसिएमा निःशुल्क भर्ना सहित २ महिनाको छात्रवृत्ति पाए । उदयीमान खेलाडीले डिसिएमा निःशुल्क भर्ना सहित ट्रफि मेडल र प्रमाण पत्र पाए ।

धनगढी क्रिकेट एकेडेमी डीसिएले प्रतियोगिता योजना गरेको थियो ।