सञ्चार सचिव राउतसहित दुई सचिवको सरुवा
नेपाल प्रेस
२०८० पुष २५ गते ८:१६
काठमाडौँ । सरकारले दुई सचिवको सरुवा गरेको छ ।
मंङ्गलबार बसेको मन्त्रिपरिषद् बैठकले सञ्चार तथा सूचना प्रविधि मन्त्रालयका सचिव कृष्ण बहादुर राउत र राष्ट्रिय प्राकृतिक स्रोत तथा वित्त आयोगका सचिव रामकृष्ण सुवेदीको सरुवा गरेको हो ।
राउतलाई आयोग र सुवेदीलाई सञ्चार मन्त्रालयमा सरुवा गर्ने निर्णय भएको एक मन्त्रीले जानकारी दिए ।
सचिव राउत गत चैत १४ गते मधेश प्रदेशको प्रमुख सचिवबाट सञ्चार मन्त्रालयमा सरुवा भएर आएका थिए ।
सञ्चारबाहेक अन्य केही मन्त्रालयका सचिवको सरुवा हुने चर्चा रहे पनि दुई सचिवको मात्रै निर्णय भएको छ ।
नेपाल प्रेस
प्रकाशित: २०८० पुष २५ गते ८:१६
प्रतिक्रिया
सम्बन्धित खवर
