कावासोतीमा कारसँग मोटरसाइकल ठोक्किँदा एक जनाको मृत्यु

रुपन्देही । पूर्वीनवपरासीको कावासोतीमा कार र मोटरसाइकल एकआपसमा ठोक्किदा मोटरसाइकल चालकको मृत्यु भएको छ । हुप्सेकोट गाउँपालिका २ कोलिया बस्ने बर्ष ४१ को मोटरसाइकल चालक धनबहादुर सार्कीको मृत्यु भएको जिल्ला प्रहरी कार्यालयले जानकारी दिएको छ ।

कावासोती नगरपालिका ८ खर्कट्टा जंगलस्थित पूर्वपश्चिम राजमार्गमा पश्चिमबाट पूर्वतिर आउँदै गरेको बागमती प्रदेश ०१–०२९ च ०२४८ नं को कार र विपरीत दिशाबाट आउँदै गरेको बागमती प्रदेश ०३–०४ प १९५८ नं को मोटरसाइकल एकआपसमा ठोक्किदा दुर्घटनामा परेर गम्भीर घाइते सार्कीको उपचारका क्रममा मध्यबिन्दु जिल्ला अस्पताल डण्डामा मृत्यु भएको हो ।

दुवै सवारी साधन प्रहरी नियन्त्रणमा लिइएको जिल्ला प्रहरी कार्यालय नवलपुरले जानकारी दिएको छ । मोटरसाइकल सवार अर्का घाइते २८ वर्षीय बिनु गुरुङको भने अस्पतालमा उपचार भइरहेको छ ।